थियेटर ऑफ़ रेलेवन्स नाट्य सिद्धांताची कलात्मक २५ वर्ष : मुंबई महोत्सव... तुषार म्हस्के

थियेटर ऑफ रेलेवंस नाट्य सिद्धांताला २५ वर्षे पूर्ण झाली ...त्या निमित्य मुंबई ला ३ दिवसीय नाट्य फेस्टिवल श्री. शिवाजी मंदिर , दादर ला आयोजित करण्यात आले . आता पर्यंत ऐकण्यात आलेलं कलाकार फक्त येऊन आपली कला सादर करतात आणि आपलं मानधन घेऊन निघून जातात. त्यांचा आयोजनाशी काहीही संबंध नसतो. थियेटर ऑफ रेलेवंस हे नाट्य सिद्धांत कलाकाराना समग्रतेने काम करण्याची दिशा आणि मार्ग दाखवते .
 “ श्री. शिवाजी मंदिर “ हे नाव ऐकल्यानंतर ...डोळ्यासमोर अनेक वेगवेगळ्या कलाकारांची नावे येतात.

या रंगमंचाने कलाकाराना निर्माण केले . त्यांच्या व्यक्तिगत जीवनात सक्षमतेची पाठराखण केली. नाव, पैसा , आपली स्वत:ची ओळख ह्याच रंगमंचाने निर्माण करून दिली....ह्याच श्री. शिवाजी नाट्य मंदिरात थियेटर ऑफ रेलेवंस नाट्य सिद्धांत रंगभूमीला “ वैचारिक “  रंगभूमी बनवण्यासाठी सातत्याने कलात्मक नाटकांचे प्रयोग करत आहे . नवीन वैचारिक प्रेक्षक वर्ग रंगभूमीला थियेटर ऑफ रेलेवंस ने दिला आहे. नाटक “ अनहद नाद – unheard sounds of universe “ या मंजुल भारद्वाज द्वारा लिखित आणि दिग्दर्शित नाटकाने केलेली हि कलात्मक सुरुवात आता रंगभूमीवर येणारी नाटके हे अनहद नाद नाटकाच्या समांतर असल्याचे दिसून येत आहेत.

थियेटर ऑफ रेलेवंस चे हे फेस्टिव्हल एक विश्वास आहे कलाकारांसाठी ....कि , हो आम्ही आमच्या कलेच्या जीवावर आपली कला सादर करण्यासाठी ”अर्थ “ निर्माण करू शकतो. कारण, रंगभूमीवर एक नाटक ज्यावेळी येते . त्यावेळी त्याला लागणारा खर्च ज्याला प्रोडक्शन कॉस्ट बोलतात ती जास्त लागते . थियेटर ला लागणारा खर्च आणि इतर लागणारा खर्च यांची किंमत जास्त असते. या कारणास्तव नाटकाना येणारा खर्च हा अवाक्या बाहेरच असतो ... कलाकारा बद्दल बोलायचे झाले तर ते फक्त जातात आणि आपली सादरीकरणाची भूमिका बजावून येत असतात. त्यामध्ये , मग प्रोड्युसर असेल तर तो खर्च करतो आणि नसेल तर मग , नाटक रंगभूमीवर येतच नाही. आणि जरी नाटक रंगभूमीवर आले तरी त्यामध्ये काम करणारे कलाकार हे ठरलेले असतात. त्यामुळे, नवीन कलाकार रंगभूमीवर येण हि कठीणच होऊन जाते. मग , नवीन कलाकार आपल्या कलेला दाबून ठेवून कोणता तरी वेगळा मार्ग स्वीकारतात आणि कलेला हृदयात दाबून ठेवतात. थियेटर ऑफ रेलेवंस नाट्य सिद्धांत एकमेव तत्व आहे . जे नवीन कलाकारांना आपल्या commitment   च्या जोरावर आपल्या नाटकांमध्ये काम करण्याची जागा नेहमीच देत आहे . अनहद नाद च्या यात्रे मध्ये पाहिलं तर , मला आलेला अनुभव आहे ... अनहद नाद च्या प्रवासात जे प्रेक्षक नाटक पाहण्यासाठी आले त्यापैकी , काहींनी स्टेज वर येण्याचा अनुभव घेतला आहे. “ अर्थ ” निर्माण करण्यासाठी आपल्या कलेला जिवंत ठेवण्यासाठी अनहद नाद मध्ये असणारे आम्ही कलाकार सातत्याने स्वबळावर आणि प्रेक्षकांच्या सहयोगाने सतत नाटकांचे प्रयोग करत आहोत ... जसं अनहद नाद नाटकाला कोणीही प्रोड्युसर नसताना त्याचे आता पर्यंत आम्ही १३ प्रयोग लावले आहेत ... थियेटर ऑफ रेलेवंस नाट्य सिद्धांतामध्ये प्रेक्षक हा पहिला आणि सशक्त रंगकर्मी आहे. त्यामुळे, हा रंगकर्मी कलाकारांना जिवंत ठेवण्यासाठी नेहमीच आपल्या सहकार्याच्या भूमिकेत मी पाहिला आहे ....

थियेटर ऑफ रेलेवंस रंगभूमीच्या नव्याने कलात्मक निर्मितीच्या प्रक्रियेमध्ये ...

थियेटर ऑफ रेलेवंस नाट्य सिद्धांताच्या नाटकांमधील संकल्पना प्रेक्षकांना रंगभूमीच्या जवळ आणत आहे. हा धागा विश्वासाचा आहे कलात्मकतेचा आहे. नवीन विचार आणि संकल्पनांचा आहे... ज्यामध्ये कलाकार आपल्या कलेसाठी प्रतिबद्ध असतात आणि प्रेक्षक हे जीवनात आपली भूमिका उन्मुक्त्तेने जगण्यासाठी प्रेरित करत असतात . प्रेक्षकांना नाटकातील संवाद हे स्वत: बद्दल विचार करण्यासाठी प्रेरणा देतात ... या धावपळीच्या जगामध्ये ज्या ठिकाणी एकही क्षण शांतता राहिलेली नाही त्याच ठिकाणी आपल्या अस्तित्वाच्या शोधात ज्यावेळी प्रेक्षक या कलाकृतींना पाहत असतो त्यावेळी मनातील चलबिचल काही काळ थांबते आणि स्वत: बद्दल विचार करण्याची प्रक्रिया सुरु होते .. नाटकातील संवाद हे प्रेक्षकांना त्यांच्या आयुष्यातील गुंता दाखवतात आणि मग, तो गुंता सोडवण्यासाठी चे असणारे मार्ग हि, या नाटकांमध्ये अनुभवायला मिळतात.
नाटक गर्भ ची रंगभूमीवर झालेली प्रस्तुती... ( दिनांक – १५ नोव्हेंबर २०१७ ,सकाळी – ११.०० वा. )

मंजुल भारद्वाज द्वारा लिखित आणि दिग्दर्शित नाटक “ गर्भ “ सात्विक विचार ...जीवनाकडे पाहण्याचा सकारात्मक दृष्टीकोन या नाटकामुळे कलाकार व प्रेक्षकांना अनुभवायला मिळतो ...श्री. शिवाजी नाट्य मंदिर मध्ये ज्यावेळी गर्भ नाटकाची प्रस्तुती झाली त्यावेळी वेळ हि सकाळी ११.०० वाजताची होती.  एवढ्या सकाळी शिवाजी मंदिर , मध्ये आलेला प्रेक्षक वर्ग हा वैचारिक असल्याचे जाणवले. कलाकृती पाहून भारावलेला आणि स्वत: च्या अंतकरणात डोकावून पाहत या कलाकृतीचे वर्णन करत ... त्यांना जीवनात मिळालेले अनुभव त्या ठिकाणी दिसू लागले... प्रेक्षकांचे आलेला रिस्पोंस – नाटकामध्ये असणाऱ्या मुद्रा ह्या खूपच वेगळ्या आहेत... मनाला भावणाऱ्या आहेत ...लेखक , दिग्दर्शक – मंजुल भारद्वाज यांनी शोधून काढलेल्या आहेत ... आता पर्यंत पाहिलेल्या नाटकांमध्ये कधीही पाहिलेल्या नाहीत ...आणि एकदम मनाला भावणाऱ्या मुद्रा आहेत... नाटकाच वैशिट्य म्हणजे हे नाटक सादर करणारे कलाकार – अश्विनी नांदेडकर , सायली पावसकर , कोमल खामकर , योगिनी चौक आणि तुषार म्हस्के अगदी सामान्यता जड वाटणारे शब्द अगदी सहज सादर करतात... हे नाटक सादर करत असताना मला जाणवले ... कि, ज्यावेळी मी रंगमंचावर येतोय त्यावेळी मला काहीच आठवत नाही आहे आणि त्या भावामाध्येही मी माझी मुद्रा योग्य घेतोय. योग्य ठिकाणी सहज जाऊन बसतोय आणि विंगेत आल्यावर एकदम सामान्य होऊन जात आहे ..त्यातच , मला नाटकातील म्युजिक हि करायचं असल्यामुळे स्टेज वर कलाकार आणि विंगेत टेक्निकल अशी गंमत अनुभवत आहे.. थोडा वेळही “ मी “ माझ्या ध्येयापासून लांब न जाता  दोन्ही भूमिका सहजतेने बजावताना दिसत होतो....

नाटक कधी सुरु झालं आणि कधी संपल हेच समजले नाही ..म्हणजे , हा काळ मोठा होता पण , सादरीकरण करत असताना छोटा वाटत होता .म्हणजेच , रंगमंचावरील माझी भूमिका मी जगत होतो.

नाटक अनहद नाद – unheard sounds of universe ची प्रस्तुती ( दिनांक – १६ नोव्हेंबर २०१७ ,सकाळी – ११.०० वा. )

मंजुल भारद्वाज द्वारा लिखित आणि दिग्दर्शित नाटक “ अनहद नाद - unheard sounds of universe ” हे नाटक व्यक्तीच्या आत मध्ये असणाऱ्या कलाकाराला जिवंत करतो. हे नाटक पाहिल्यानंतर व्यक्तीच्या आत असणारा कलात्मक नाद तोंडातून बाहेर येऊ लागतो ...चेहऱ्यावर शांतता पसरलेली असते. प्रेक्षक त्याच्या आतील आवाजाला ऐकल्यानंतर पवित्र आणि सात्विक मनाने ...मनात असणारे सात्विक भाव बोलू लागतो ..थोड्या वेळाने बोलतो जीवन जगलो मी आता ..हे नाटक पाहिल्यानंतर प्रेक्षक असेही बोललेत ...या धकाधकीच्या जीवनात एवढा वेळ कुठे आहे ..कि आपण , स्वत:चा आवाज ऐकू शकतो ... मनात असणाऱ्या सर्व दुनियादारीच्या विचारांनी घेरल आहे त्याच ठिकाणी अनहद नाद पाहिल्यानंतर मनाला शांतता मिळाली आहे ... हे नाटक सादर करत असताना मला आलेला अनुभव हा फारच वेगळा होता ...intuition , impulse  आणि vibrations यांना घेऊन कलाकार पेर्फोमंस करत असतो. डोळ्यासमोर प्रेक्षकांच्या मनात असणाऱ्या भिंती काही वेळ जाणवू लागल्या डोकं एकदम जड झालेलं... थोड्या वेळाने स्वत: ला सावरले आणि अनहद नादच्या संवादाकडे लक्ष दिले आपो आप फोकस वाढत असल्याचे जाणवू लागले.

 

थकलेले शरीर आपोआप शांत झाले. शरीर उभं नाही माझ्यातील लागलेली आग ...म्हणजे चेतना पर्फोर्मंस करत आहे... विंगेत आल्या नंतर छातीला हात लावल्यानंतर माझी छाती गरम झाल्याची मला जाणवली...

नाटक “न्याय के भंवर में भंवरी” च सादरीकरण ( दिनांक – १७ नोव्हेंबर २०१७ ,सकाळी – ११.०० वा. )

        

नाटक “ न्याय के भंवर में भंवरी ” हे नाटक मंजुल भारद्वाज यांनी लिहिलेलं आणि दिग्दर्शित केलेलं नाटक . न्याय  संगत व्यवस्थे मध्ये स्त्री आणि पुरुष या दोघांना समान अधिकाराने जीवनामध्ये जगण्याची हुंकार आहे . या नाटकामध्ये असणाऱ्या कलाकार ह्या सुप्रसिद्ध अभिनेत्री बबली रावत आहेत ...नाटकाच सादरीकरण सुरु होत आणि एका प्रेक्षकाच्या भूमिकेत मी बसलेलो असताना माझ्या मनात येणारे प्रश्न माझ्या आत सुरु असणारी एका माणसाची आहे कि पुरुषाची आहे याचं बिंब दाखवते.... प्रश्न उभी करते आणि माणूस बनण्याच्या प्रक्रियेत घेऊन जाते... मनात होणारी हि प्रक्रिया अनुभवून खूप – खूप समाधान मनात निर्माण झाले ...

  

१२ ऑगस्ट १९९२ ला रंगचिंतक – मंजुल भारद्वाज यांनी सुरु केलेलं रंग आंदोलन आज समाजामध्ये सकारात्मक दृष्टीकोन निर्माण करत आहे ... जीवनाचा सुंदर मंत्र दिला आहे आपण वस्तू नाही आहोत आपण व्यक्ती आहोत .. एक माणूस आहोत, हे सुंदर जीवन आपलं आहे....
      

या फेस्टिव्हल च आयोजन थियेटर ऑफ रेलेवंसचे अभ्यासक आणि शुभचिंतक यांनी केलं आहे ....
कलाकार – बबली रावत , अश्विनी नांदेडकर , योगिनी चौक , सायली पावसकर , कोमल खामकर आणि तुषार म्हस्के आहेत .
प्रकाश योजना – शिवाजी आणि निखील
बॉक्स ऑफिस कलेक्शन – स्वाती वाघ
आयोजक – तुषार म्हस्के
स्थळ – श्री. शिवाजी नाट्य मंदिर, दादर ( प ), मुंबई
दिनांक – १५ ते १७ नोव्हेंबर २०१७
वेळ – सकाळी ११.०० वाजता.

                    Photo created by Rohit Kasar
आपल्या शरीराची रचना हि पाच तत्वांनी झालेली आहे ....त्याच पद्धतीने रंगभूमीच्या ” वैचारिक कलात्मक  निर्मितासाठी ” आम्ही ५ कलाकार कार्य करत आहोत ..

रंगकर्मी
तुषार म्हस्के
९०२९३३३१४७

धकधक ...धकधक ....धकधक... ट्रेन मध्ये एवढी गर्दी असते आणि त्या गर्दीमध्येही आपण स्वतः चे वेगळेपण नेहमीच जपायला जात असतो .परंतु , तो जपला जात नाही कारण या सर्व ठिकाणी गर्दी असते ...कुठेतरी , त्या गर्दीचा हिस्सा आपण झालेला असतो..ट्रेन मध्ये गर्दी चा प्रत्येक व्यक्तीला त्रास होत असतो ... मज्जा अशी असते ..या सर्वांमध्ये प्रत्येकजण आपलं एक कोष घेऊन जात असतो ...आपली एक वेगळी ओळख बनवण्यासाठी ...शोधत असतो... स्वतः मधील वेगळेपणा .... हे शोधता शोधता आपण स्वतः या गर्दी मध्ये हरवून जातो ....जबाबदारीच्या ओझ्याखाली आपण जगणंच विसरून जातो ...थिएटर ऑफ रेलेवन्स नाट्य सिद्धांत हे गर्दी वाली मानसिकता तोडून त्याच्यातील व्यक्तीला आणि कलाकार या दोघांना नवीन संजीवनी देऊन  जिवंत करते ...
थिएटर ऑफ रेलेवन्स  कालात्मतेची 25 वर्ष पूर्ण झाली  आहेत...त्यानिमित्ताने शिवाजी मंदिर , मुंबई मध्ये 3 दिवसीय नाट्य फेस्टिव्हल साजरा होणार आहे ... दिनांक 15 ते 17 नोव्हेंम्बर 2017 ला ...

रंगकर्मी
तुषार म्हस्के
#थिएटरऑफरेलेवन्स_फेस्टिव्हल
15,16,17 नोव्हेंबर 2017
#श्रीशिवाजीमंदिरनाट्यगृहदादर
सकाळी 11 वाजता

समाधान ...तुषार म्हस्के

समाधान ... कार्य करत असताना आपण समाधान शोधत असतो ... नक्की समाधान आहे तरी काय ? हे समाधान मिळते तरी कुठे ? ...आपण करत असणारे कार्य ..ते कार्य करत असताना जाणीव पूर्वक ध्येयाच्या दृष्टीने केलेलं नियोजन ...हे समाधान देत असते ... ध्येयाच्या दिशेने वाटचाल करत असताना ...होणारा संघर्ष देखील पदोपदी समाधान देत असतो ... ध्येयप्राप्ती नंतर मिळणारे समाधान हे तेवढंच उच्च प्राप्तीचं समाधान मिळवून देत असते.मनाला समाधान मिळवून देणारा असा हा माझ्या कलाकाराचा आणि व्यक्तीचा प्रवास ..
थिएटर ऑफ रेलेवन्स नाट्य सिद्धांताने मला ही दृष्टी दिली आहे ...ज्यामध्ये माझ्यातील व्यक्तीचा आणि कलाकाराचा प्रवास मी एकत्र करत आहे ...त्याच एक समाधान मला मिळत असल्याचं मला जाणवू लागलं आहे ...
थिएटर ऑफ रेलेवन्स नाट्य सिद्धांत मानवतेला सकारात्मकतेने पाहण्याची दृष्टी देत आहे ...थिएटर ऑफ रेलेवन्स नाट्य चिंतनाने 12 ऑगस्ट 2017 ला 25 वर्षे पूर्ण केली आहेत ...
त्यानिमित्ताने शिवाजी नाट्य मंदिर ,मुंबई मध्ये 15,16 आणि 17 नोव्हेंम्बर ला 3 दिवसीय नाट्य फेस्टिवल च आयोजन केले आहे ...

रंगकर्मी
तुषार म्हस्के #थिएटरऑफरेलेवन्स_फेस्टिव्हल
15,16,17 नोव्हेंबर 2017 #श्रीशिवाजीमंदिरनाट्यगृहदादर
सकाळी 11 वाजता

नाटकाने माझ्यातील माणसाला जिवंत केले .. तुषार म्हस्के

एकदा मला माझ्या मित्राने विचारले .
तुषार तुला नाटकाने काय दिलं ? ..
त्यावेळी माझ्या मनातून आपोआप उत्तर आले ... नाटकाने माझ्यातील माणसाला जिवंत केले ..
मनातील भाव , वेदना संवेदना , माझ्या मनात सुरू असणारे विचार मांडण्यासाठी रंगमंच .. ज्याठिकाणी मी माझ्या विचारांना सादर करण्यासाठी सतत नवीन संकल्पना शोधतो ... जीवनातील नाटक बंद झाले ...जीवन जगायला सुरुवात केली ... माझ्यातील व्यक्तीला जिवंत ठेवण्यासाठी सकारात्मक विचारांची जोड मिळाली .. कलाकार रंगमंचावर सक्षम होत असताना माझ्यातील व्यक्तिमत्व उभं राहू लागले ... जीवनातील 19 ,20 कारनामे बंद झाली ... विचार मांडताना नवीन विचार ऐकण्याचा परीघ वाढला ...जीवनातील स्त्री - पुरुष हा भेदभाव संपला एक व्यक्तीला व्यक्ती म्हणून पाहण्याची दृष्टी मिळाली ...माझ्यातील वेगवेगळे पैलू शोधण्याची सुरुवात झाली ...नाटकाने मला वैचारिक उंची दिली ...
थिएटर ऑफ रेलेवन्स नाट्य सिद्धांत ने मला माझ्यातल्या मी ला शोधण्याचा मार्ग दाखवला ...
" थिएटर ऑफ रेलेवन्स नाट्य सिद्धांत ने कलात्मकतेची 25 वर्ष पूर्ण करून ...जागतिक रंगभूमीवर आपल्या सिद्धांताने विश्वाला सकारात्मकतेने जगण्याचे मार्ग दाखवले
आणि 25 वर्ष पूर्ततेच्या निमित्याने शिवाजी नाट्य मंदिर ,मुंबई ला 3 दिवसीय कलात्मक महोत्सवाचे आयोजन करण्यात आले आहे ...
दिनांक 15 ,16 आणि 17 अनुक्रमे नाटक गर्भ , अनहद नाद - Unheard Sounds of Universe आणि नाटक न्याय के भंवर में भवरी च सादरीकरण सकाळी 11 वाजता होणार आहे .

रंगकर्मी
तुषार म्हस्के #थिएटर_ऑफ_रेलेवन्स_फेस्टिवल
15,16,17 नोव्हेंबर 2017 #श्रीशिवाजीमंदिर_नाट्यगृह_दादर
वेळ सकाळी 11 ते दुपारी 1

अशी आहे ही कलात्मक यात्रा...तुषार म्हस्के

अशी आहे ही कलात्मक यात्रा ,
जी कलाकारांना त्यांच्या विचारांनी जगण्यास प्रेरणा देते ,
जी प्रेक्षकांना रंगकर्मी बनवून जीवन सकारात्मकतेने जगण्यासाठी दिशा दाखवते ,
तरुणांच्या विचारांना गती देते ,

अशी आहे ही कलात्मक यात्रा ,
जी बालमजुरांना शिक्षण घेण्याचा मार्ग दाखवते,
जी मुंबईतील 1992 च्या सांप्रदायिक " दंगली " मध्ये शांततेचे प्रतिक बनते ,
आपल्या कलात्मक प्रयोगाने हिंसेचे हत्यार त्यागायला लावते आणि मानवतेची सृजनात्मक हुंकार बनते ,

अशी आहे ही कलात्मक यात्रा ,
जी साता समुद्रा पलीकडे जाऊन खाजगीकरणाच्या गडावर
सार्वजनिक नैसर्गिक संपत्तीचे जतन करण्याचा धडा शिकवते ,
ज्याच्यातून पाण्याचं खाजगीकरण काही काळ थांबवले जाते,

अशी आहे ही कलात्मक यात्रा ,
जी घरातून सुरू होते ,
गल्लीतून, शहरातून , राज्यांतून ,देश आणि वैश्विक
पातळीवर सकारात्मक परिवर्तनासाठी प्रतिबद्ध करते,
जी व्यक्तिगत,सामाजिक हिंसा थांबवण्यासाठी कलेतून कार्य करते,

अशी आहे ही कलात्मक यात्रा ,
जी राजनेत्यांना दिशा दाखवण्यासाठी ,
राजनीती चा शोध घेते ,
राजनीती चा खरा अर्थ काय ते शोधून काढते ,
राजनीतीची शुद्ध आणि पवित्र बाजू दाखवते ...

अशी आहे ही कलात्मक यात्रा ,
जी सम भावाने जगण्यास प्रेरित करते,
स्त्री आणि पुरुष यांच्यातील भेद संपवते ,
एक माणूस म्हणून जगण्याची दिशा दाखवते ...

अशी आहे ही कलात्मक यात्रा ,
जी कलाकारांना कलेसाठी जिवंत ठेवण्यासाठी कार्य करते ,
जी रंगचिंतनाचा नवा इतिहास लिहिते ,
जी व्यक्ती आणि कलाकाराला ताठ मान ठेवून जगायला शिकवते ,
असा हा थिएटर ऑफ रेलेवन्स नाट्य सिद्धांताचा 25 वर्ष कलात्मकतेचा प्रवास ,

रंगकर्मी
तुषार म्हस्के #थिएटरऑफरेलेवन्स_फेस्टिव्हल
15,16,17 नोव्हेंबर 2017 #श्रीशिवाजीमंदिरनाट्यगृहदादर
सकाळी 11 वाजता

चला जगूया हा क्षण ...तुषार म्हस्के

चला जगूया हा क्षण ...
आवाज ऐकुया आपल्या मनाचा ...
चिंता , त्रास , वैताग यातून पडूया बाहेर आता ...
याचं जगात राहुनी जगू स्वत:च्या अस्तित्वाचा आता ...

शोध घेऊया स्वत: चा ...
मनात निर्माण झालेल्या  प्रश्नांच्या भिंतींचा ...
शरीरासाठी तर आपण जगतच आहोत ..
विचारांसाठी जागुयात आता ....

पाहूयात कलाकारांच्या कलेचा नाद ...
सोडवूयात प्रश्नांची उत्तरे आता ...
आपल्या विचारांच्या गर्भातून डोकावून पाहूयात ...
कलेच्या अनहद नादाला जागुयात ...
एक न्याय सांगत व्यवस्थेसाठी "न्याय के भंवर में भवरी " पाहुयात,

थियेटर ऑफ़ रेलेवंस नाट्य सिद्धांताच्या २५ वर्षाच्या कलात्मक प्रवासाला
आता अनुभवूयात ...
त्यातून व्यक्तिगत येणाऱ्या अनुभवाला या विश्वात अमृतासारखे प्रसारित करूयात ..
मानवतेच्या सकारात्मक विचारांनी या विश्वाला आता आपण बनवूयात ....
आपल्या रंगभूमीला विचारांनी आता सक्षम करूयात...

रंगकर्मी
तुषार म्हस्के
#थिएटर_ऑफ_रेलेवन्स_फेस्टिव्हल
15,16,17 नोव्हेंबर 2017
#श्रीशिवाजीमंदिर_नाट्यगृह_दादर
सकाळी 11 वाजता

एक पाऊल रंगभूमीसाठी ...तुषार म्हस्के

एक पाऊल रंगभूमीसाठी
रंगभूमीला सक्षम करण्यासाठी ...
नवीन विचारांना जन्म देण्यासाठी ...
आपली कला , कलेच्या जोरावर सादर करण्यासाठी ...
नवीन संकल्पना निर्माण करण्यासाठी ...
कलाकारांना त्यांच्या कलेच्या जोरावर जगण्यासाठी ...

रंगभूमीला तिच्या तत्वाने आणि सत्वाने मजबूत करण्यासाठी ...
मानवी जीवनाला सकारात्मकतेने जगण्याची दिशा दाखवण्यासाठी ...
नवीन येणाऱ्या कलाकारांना " कलेच " चिंतन प्रक्रिया देण्यासाठी ...

कलेला एक विचार म्हणून जगण्यासाठी ....
कोणतही compromised न करता कलेच्या जोरावर काम निर्माण करण्यासाठी ....
नवीन  स्वप्नांना त्यांच्या आवडीच काम करण्यासाठी ...
थियेटर ऑफ रेलेवंस 25 वर्ष कलासाधनेचा पूर्णत्वाचा कलामहोत्सव ...
कला व कलाकाराच्या पाठीच्या मणक्याला ताठ ठेवण्यासाठी .....

रंगकर्मी
तुषार म्हस्के
#थिएटर_ऑफ_रेलेवन्स_फेस्टिव्हल
15,16,17 नोव्हेंबर 2017
#श्रीशिवाजीमंदिर_नाट्यगृह_दादर
सकाळी 11 वाजता
 

SPARK खूप महत्त्वाचा ....

SPARK खूप महत्त्वाचा ....
नवीन संकल्पना , नवीन आयडीया ज्यावेळी येतात त्यावेळी काही क्षणासाठी आनंद होऊन जातो . थोड्या वेळानंतर त्या स्पार्क ला व्यवहाराच्या ओझ्याखाली आपण दाबून टाकतो . भीती वाटते कसं होणार ,काय होणार ? आपली आयडीया त्याच ठिकाणी लोप पावत जाते.

एकंदरीत काय भीती वाटून जाते . कारण , नवीन संकल्पना येते त्यावेळी नवीन आवाहनही घेऊन येत असते. ते आवाहन आनंदाने स्वीकार केल्यावर नवीन मार्ग मिळत जातात .आपण आपल्या ध्येयापर्यंत पोहोचतो .
संकल्पनांचे येणारे स्पार्क कसे आनंदाने स्वीकारायचे याचं विश्लेषण रंगचिंतक मंजुल भारद्वाज करुन
देत होते. यामध्ये १. स्पार्क आल्यानंतर आपण त्याला कसं घेतो ? आलेल्या स्पार्क ला आपण कसं application मध्ये घेऊन येतो . "अनहद नाद - Unheard Sounds of Universe " या नाटकाच्या संकल्पनेचा स्पार्क आल्यानंतर त्याला रंगमंचावर आणण्यासाठी केलेलं नियोजन ,
हे नाटक करण्यामागचा उद्देश , याला सादर करणारे कलाकार आणि यामुळे कलाकार आपल्या कलेच्या जोरावर कलेसाठी आपलं आयुष्य कलात्मकतेने जगू शकेल .
 

 याच्यासाठी केलेलं चिंतन आणि त्या प्रवासातून घडत असणारा मी ..रंगमंचावर उभं राहण्यापासून , ते एक - एक शब्द बोलत असताना केलेला प्रवास ...एक कलाकार म्हणून थियेटर ऑफ रेलेवंस नाट्य सिद्धांत मला उभं करत असताना माझ्यातील व्यक्तीला त्याच्या विचारांनी मजबूत करु लागले . त्याच बरोबर जीवनात वेगळी ओळख निर्माण करायची असेल तर तत्वाने जगण . माझ्या जगण्याची तत्व काय आहेत ती ओळखण . जीवनात सुरु असणारा लपंडाव थांबवण आणि एक विचार म्हणून स्वत:चा शोध घेण्यास सुरुवात करण्याचा प्रवास सुरु झाला .
एक स्पार्क आणि त्यातून निर्माण झालेली कला एक व्यक्ती आणि कलाकार या दोघांना एकाच वेळी दोघांना निर्माण करत आहे. याचा येत असणारा प्रत्यय.

रंगकर्मी
तुषार म्हस्के
#अभिनय कार्यशाला
3-7 नोव्हेंबर ,2017,मुंबई (पनवेल)
Facilitated by #मंजुलभारद्वाज
#मुंबईनाट्योत्सव #थिएटरऑफ़रेलेवंस नाट्य दर्शनाचे 25 वर्ष पूर्ण